Forsíđa   

 06.08.2012
 Erum viđ ţróunarsögn, e.k. draumsögn Alheims?



Tæp 30 ár eru nú liðin
frá fráfalli bandaríska
arkítektsins og
uppfinningamannsins
R. Buckminster Fuller
sem setti fram merkar
hugmyndir um Jörðina
sem lifandi heild
og hugleiddi samband
manns og Alheims.
Taldi að allt væri tengt
á ytra sem innra byrði
og að við værum
kosmískt þróunarferli,
þróunarsögn Alheims:


I live on Earth at present,
and I don´t know what I am.
I know that I am not a category.
I am not a thing-a noun.
I seem to be a verb,
an evolutionary process-
an integral function
of the universe.


Margir kannast við
kúlúhúsahönnun Fuller
- biosphére - sem styrkjist æ
betur eftir því sem húsin
stækka meir, sbr. hið fræga
Biodome í Montréal.
Nokkur smá kúluhús
hafa risið hér á landi.

Heimsfræðikeninngar
Fuller rifjast upp í dag
þegar giftusamlegri
lendingu Curiosity
geimkönnunarjeppans
er lokið á Mars.
Vekur spurningar um
hvað Curiosity muni
flytja okkur jarðarbúum?
Hvort sýn okkar á sjálf
okkur og líf í Alheimi
muni verða umbylt?


Fuller átti sérstætt lífshlaup
og var mikill spekúlant
á mörgum sviðum.
Ekki þó tekið út þrautalaust
en sem ungur maður
og tveggja barna faðir,
 fór hann í gegnum
miklar hremmingar í
Kreppunni miklu í BNA
og missti á sama tíma
aðra dótturina úr mænusótt.

Sagði sjálfur að þessi
erfiða og lífsbreytandi
reynsla hefði orðið til þess
að hann fór að huga
að þróun mannsins
og tilvist hans á
Jörðu og í Alheimi.


Fuller velti m.a. vöngum
yfir svefni og draumum
og gerði tilraunir á sjálfum
sér í sambandi við
svefnferla og svaf þá
2 tíma í senn og vakti á milli.
Allt skráði hann á dagbækur
og eru þær nú varðveittar
(fleiri kíló) í Stanford háskóla.

Þá var tíminn honum
hugstæður; bar t.a.m.
ætíð 3 úr á sér þar sem
hann ferðaðist mikið
á milli tímabelta.
Tíminn kom líka
eftirminnilega við
sögu - hreint
ótrúleg tímasetning -
er Fuller kvaddi
lífið en hann dó
á dánarbeði eiginkonu
og dyggs förunautar,
Anne Hewlett.
Þegar hún rænulítil,
náði að þrýsta hönd
hans í kveðjuskyni,
hrópaði hann
í undran upp yfir sig:
hún þrýsti hönd mína,
fékk hjartaslag og dó.
Anne dó svo rúmum
sólarhring síðar.


Nú er bara að vona
siglingahandbók
Jarðar reynist til
þegar geimskipið Jörð,
sem Fuller kallaði svo,
siglir áfram á vit
ævintýra um víðan geim
- og að draumsögnin lifi
um heima og geima.



*


Síđasta frétt 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201  202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 Næsta frétt 
© 2007 Draumasetriđ Skuggsjá Hönnun Design EuropA