Gleðilegar jólatíðir
nær og fjær.

Hvert er hið
himneska brauð
- manna -
sem um er talað
að fornu og nýju?

Baka englar brauð?

Víst er að í draumi
verður fólk fyrir
opinberunum
og finnur heilandi
mátt drauma
flæða inn í vökuna
og endurnæra
líkama, sál og sinni.

Manna í draumi?

Sólstöður nýafstaðnar
en tíminn í kringum
þær er þekktur
að auknu draumflæði.
Dreymi ykkur vel
þessi jól!


...Og
meðan ég hlusta á draum
Stjörnu-Odda í útvarpinu
sker ég aðra sneið af
brauðinu. Kötturinn er
farinn þegar ég stíg
út á timburpallinn

Úr skugga
í sól
einsog fyrst


(Sindri Freysson, úr ljóðinu
Himneskt brauð, 1996).


'