Gleðilegar sumarsólstöður!
Þær heilsa óvenju
sólbjartar og vondjarfar
á ströndinni við ysta haf.

Og Jónsmessan
á næsta leiti en þá
hefst fyrsta ráðstefna
evrópskra draumfræða
í miðaldaklaustrinu
fornfæga Rolduc
í landi túlipana og
drauma, Hollandi.

Fyrirlestur Skuggsjár
mun fjalla um
íslenska draumahefð,
m.a. út frá draumum
og forspám í Laxdælu.

Í Laxdælu er líka
merk táknfræði
sem um sumt minnir
á evrópskar miðalda
bókmenntir þar sem
kyngimögnuð sverð
koma mjög við sögu
eins og í Bjólfskviðu,
riddarasögum af
Arthúri konungi
og köppum hans,
og í Parsifal og
leit hans að
Gralinu helga...

Í Laxdælu má t.a.m.
finna frásögnina af
hinu dulmagnaða
sverði Sköfnungi
sem fylgdi Gelli, syni
Guðrúnar Ósvífursdóttur
og Þorkels Eyjólfssonar,
allt í dauðann.

En Gellir er talinn
grafinn ásamt
Sköfnungi í
nágrenni Hróarskeldu
ekki ýkja langt frá
haug Hrólfs kraka
Danakonungs
sem um getur
í Bjólfskviðu
og sverðið fylgdi
upphaflega.
.
Hvað erindi skyldi
Sköfnungur hafa átt
á Íslandi og því gerir
höfundur Laxdælu
svo mikið úr þætti
hans við sögulok?

Sannarlega ekki
allt jafn augljóst
og við fyrstu sýn
líkt og ósjaldan
gerist með drauma.

'